श्री एकनाथी भागवत अभ्यासवर्ग – || श्रीज्ञानदेव सिद्धबेट तपोवन ||

अभ्यास सत्र क्रमांक १ दिनांक २७.०२.२०२२
विषय
भागवत धर्म: व्याख्या, व्याप्ती, स्वरूप
आत्यंतिक क्षेमाचे साधन,
भगवत भक्तांची लक्षणे

श्री सद्‍गुरु बोधवचन

श्री भगवंतांची प्राप्ती होणे म्हणजे "योग ";
आणि प्राप्त झालेले ते तत्व टिकवून ठेवणे हाच "क्षेम " होय.

सहेतुक, अहेतुक कर्मे, लौकिक, वैदिक,स्वाभाविक कर्मे श्रीभगवंतांचे ठायी अर्पण करणे म्हणजे भागवतधर्म पालन करणे.
इंद्रिये , बुद्धी, अहंकार यांच्या माध्यमातून कर्मे घडतात. मानसिक, वाचिक आणि कायिक कर्मे ही तीन प्रमुख कर्मे. यांचे समर्पण करायचे आहे.
आपल्या नित्योपासना या पुस्तिकेत जो दिनक्रम सांगितला आहे त्यातही रात्री झोपी जाण्यापूर्वी सद्गुरूंना नमस्कार करून आपली सर्व कर्मे त्यांनाच समर्पित करून झोपी जावे असे सांगितले आहे.
मग ती चांगली कर्मे असोत वा वाईट कर्मे ती सारी कर्मे आणि त्यांचे फळ तुम्हालाच समर्पित असो अशीच प्रार्थना केली म्हणजे कर्म-समर्पण आपोआप घडते.

अभ्यास सत्र क्रमांक २ दिनांक ०६. ०३. २०२२
विषय
मायेचे स्वरूप,
मायेवर विजय मिळवण्याचे उपाय,
सद्गुरू आणि सत्शिष्य लक्षणे,
अभक्तांची गती

|| श्री सद्‍गुरु बोधवचन ||

कुठल्याही स्थितीत, मनात आलेले सद्विचार हे टाळू नयेत.
स्वत:च्या चुका निर्भयपणे कबूल कराव्यात.
चुका दुरुस्त करण्याच्या आड अहंकार येऊ देऊ नये.

माया म्हणजे भास ;विषयासक्ती आणि त्यातून उत्पन्न होणारे मोहआदि षडविकार मायेस विस्तारण्यास मदत करतात.
अहंकार रहित ज्ञान हे मायेवर विजय मिळवण्यास उपयुक्त ठरते.
परंतु प्रत्येकालाच ज्ञानी होता येते असे नाही. असे निराभिमानी अज्ञानी गुरुभक्तीच्या आधारे मायेवर विजय मिळवू शकतात.
सत्संगामुळे अज्ञानाचा नाश होतो उन्नती होते.
मथितार्थ एकच,उत्तम शिष्याने नित्य साधन करून गुरुशरण व्हावे, अनन्य व्हावे, सत्संग साधावा , ज्ञानाने किंवा भक्तीने मायेवर विजय मिळवावा आणि मोक्ष साधून घ्यावा."

Shree Eknathi Bhagwat Abhyasvarga

अभ्यासवर्गातील काही क्षणचित्रे